ربنا ينتقم منك.. أول تعليق لـ علياء بسيوني بعد طلاقها من أحمد سعد | صورة

علقت مصممة الأزياء علياء البسيوني على طلاقها من الفنان أحمد سعد، بعد إنجابهما فتاتين وهما: علياء ومريم، مشيرةً إلى أنه كان قرارًا نابعًا من أحمد سعد وليس منها.

طلاق أحمد سعد وعلياء بسيوني

وكتبت علياء بسيوني عبر خاصية ستوري لحسابها على إنستجرام، الآتي: الحمد لله على كل شيء، تم الطلاق بيني وبين أحمد من شوية بناءً على رغبته.. حابة أشكر أحمد جدًا على أصله غير الطيب ومعدنه السيئ وحابه أقوله شكرًا على قرارك اللحظي غير الموفق في خراب بيتنا وتدمير أسرتنا الجميلة، اللي أنا حقيقي تعبت فيها لوحدي تمامًا وحاولت وعديت بمواقف مفيش حد في مكاني يقبلها عشان الأسرة دي.

وأضافت علياء بسيوني: وعشان المشوار اللي أنا ابتديته ومكنتش حابه إنه ينتهي.. شكرًا على توقيتك الجميل وأنا قاعدة ببنتي 3 أيام وأنت مش عارف حاجة عشان مشغول في الساحل وخروجات وبعدها شغلك.

ستوري علياء البسيوني

وأردفت علياء بسيوني: أكبر شكر على المقلب اللي أنا أخدته في العلاقة دي واللي كنت فاهمه إن ليها قيمة ببني وبضحي وبتنازل عشانها وانت طلعتها ولا تسوى وربنا معايا أنا وبناتي في اللي جاي وينتقم منك ويديلك على قد كل حاجة حصلت.