صناع أغنية سطلانة: هنغني في فرح طاهر محمد طاهر ببلاش

أعرب صناع أغنية سطلانة عن سعادتهم الشديدة بنجاح الأغنية بشكل كبير في الفترة الماضية، كما أكد الفنان محمود الليثي إنهم سيشاركوا في حفل زفاف لاعب الأهلي بالمجان.

وقال محمود الليثي، خلال لقاء صناع أغنية سطلانة ببرنامج صاحبة السعادة: إحنا الأربعة هنغني لطاهر محمد طاهر ببلاش علشان وشه حلو علينا، والأهلي كسب الوداد، النادي الأهلي الكبير بتاعنا، الماتش خلص، اللاعيبة خرجت من الماتش وراح أوضة اللبس وشغلوا سطلانة بالحظ، إحنا نمنا يوم الماتش، صحينا لقينا الأغنية تريند، وإحنا كسرنا المريخ.

محمود الليثي: نويل البلوجر عمل فيديوهات على أغنية سطلانة

وتابع الفنان محمود الليثي: نويل البلوجر عمل عليها فيديوهات، وفي فيلم تاج، والمنتخب القطري، ومنتخب اليد، وريال مدريد أطفال وشباب، ومانشستر سيتي، وأنا كان نفسي يبقى ليا أغنية عالمية، بالنسبالي سطلانة خليتنا دوليين، سطلانة الموقف ده إحنا في مستشفى مجانين، دخل علينا أوس أوس وعلي ربيع، وإحنا بنقول للناس جايبينا لينا إحنا مجانين.

عبد الباسط حموده: أغنية سطلانة معناها إحنا مجانين

وتحدث الفنان عبد الباسط حمودة عن فكرة الأغنية وأثر النجاح الكبير الذي حققته عليه، قائلُأ: فرقت معايا في كل حاجه، وأنا عامل شغل كتير ناجح، والأغنية ودتني في حته مكنتش فيه، وبيجي بسببها شغل أكتر، أنا اللي متبني الليثي، سطلانة ديه معناها إحنا مجانين.

 

حمدي بتشان: حسيت إن هبتدي من الأول بعد نجاح سطلانة

وقال الفنان حمدي بتشان: بعد ما عملت كذا ألبوم، ولكن اللي خد الصدى الكبير الأستوك، وسطلانة بعدها بعد 35 سنة، وحسيت بالنجاح وإني هبتدى من أول وجديد.