”بتقوي العمال على الغلط”.. كامل الوزير يهاجم النقابات العمالية

هاجم كامل الوزير، وزير النقل، النقابات العمالية في قطاع النقل، متهما إياها بعرقلة أي عمليات تطوير داخل القطاع، بحجة الدفاع عن حقوق العاملين.

وطالب خلال مشاركته في اجتماع لجنة النقل والمواصلات في مجلس النواب، برئاسة هشام عبدالواحد، بضرورة وضع حد لما وصفه تجاوزات النقابات العمالية.

وأكد الوزير: النقابات العمالية بتقوي العمال على الغلط، وهما مش فاهمين، وكل ما آخد قرار لتطوير هيئة خاسرة، الناس تهيج ويقولك بيشردنا.

وتابع وزير النقل: إزاي مؤسسة خسرانة وعاوزة تاخد أرباح؟!، أنا جاي من مؤسسة متعرفش الكلام دا.

وشدد الوزير على ضرورة أن تعمل النقابات العمالية لصالح الدولة، قائلا: مش معقول الشركات تبقى خسرانة وييجي نقيب عمال يقعد يشتم فينا.

وواصل وزير النقل، الهجوم على النقابات العمالية قائلا: العامل دلوقتي مش عايز مستثمر يشغله، لأننا أول ما نقول هنعمل تطوير يقول هيشردونا، هما عايزين يقضوا وقت وياخدوا بسكوت ويروحوا يشتغلوا شغلانة تانية.

وأشار إلى أن مول محطة مصر نسبة الإشغال به ١٧٪، وباقي المحلات فيها "قطط وكلاب"، قائلا: ولما نجيب مستثمر يقولك لأ إحنا هنديرها.. طيب إزاي ما أنت هتخسر؟.​