زوجة تطلب الخلع والسبب: «بيخليني بردانة طول الليل»

عانت طيلة السنوات الماضية من بُخله الشديد، فضلاً عن إهانته لها بالضرب والسب، حتى أن وصل الأمر، حينما هل عليهم فصل الشتاء، فضل النوم في الصالة بعيدًا عن زوجته وأخذ معه البطانية له ولأبناءه، وتركها تعاني البرد طوال الليل.

«بيخليني بردانة طول الليل».. بهذه الجملة اسهتلت «سارة.خ.ك» حديثها أمام محكمة الأسرة طالبة الخلع من زوجها ووصفته بـ«البخيل».

وأشارت الزوجة إلى أنها منذ الأيام الأولى من زواجها وهى لاحظت بخله عليها وعلى المنزل، وقالت:«البخل وصل إنه مش عاوز يجيب لنفسه فطار وعاوز يجوعني»، وتابعت: «شكيت كتير لأهلي بس كانوا خايفين أطلق منه فتجنبوه».

تكمل الزوجة حديثها، وقالت إن زوجها هو الوحيد البخيل بطبعه في العائلة، وجميع أشقائه يعيشون في نعيم مع زوجاتهم وأبنائهم، وتابعت:«عيالي بيرجعوا جعانين من المدرسة علشان أبوهم مش راضي يديهم مصروف».

تصمت الزوجة قليلاً ثم تعود حديثها بصوت حزين: «طول عمري كان نفسي أحب وأتحب بس الجوازة دي جات علشان المصلحة هوه غني وعلشان كدة أهلي وافقوا عليه بس مكناش عارفين إنه بخيل».

وتابعت:«مش عارفة أعمل إيه مع ولادي لما أخلعه أكيد هيحملني مسؤوليتهم ودول في مدارس ومصاريفهم غالية عليا».