رانيا يوسف: جوزي التاني استغلني بشكل مش لطيف (فيديو)
![رانيا يوسف](https://www.alsolta.net/img/23/03/23/244806_W.jpg)
![](https://www.alsolta.net/ix/GfX/logo.png)
قالت الفنانة رانيا يوسف: "فستان البطانة غلطة ومش ندمانة عليها أوي لأن أنا كنت شايفة إنها عادية بس الناس ما كانوش شايفينها عادي".
استغلال رانيا يوسف من أزواجها
وتابعت خلال لقائها ببرنامج "حبر سري" الذي تقدمه الإعلامية أسما ابراهيم بقناة "القاهرة والناس": "سمحت لأزواجي يستغلوني ودي غلطة وندمانة عليها، وأكتر واحد استغلني الجوازة التانية طبعًا، استغلني ماديًّا بشكل مش لطيف ودفعت الثمن غالي وخسرت كل فلوسي ودخلت في مشاكل وكنت عاملة فيها الشهمة اللطيفة اللي هتقف مع جوزها وتساعده يعمل مشروع فطبعًا لبست في الحيط وما كانش فيه مشروع وكانت نصباية كبيرة أوي وكان بيحوَّر، وبحاول أنسى الموضوع اللي حصل في 2011، وهو أذاني في بناتي".
مشكلة رانيا يوسف مع طليقها محمد مختار
موضوعات ذات صلة
محافظ أسيوط يشهد الاحتفال بليلة النصف من شعبان بمسجد البقلى بحى غرب
مليار ومائتا مليون جنيه إيرادات هيئة الأوقاف خلال 7 أشهر.. تعرف على التفاصيل
هاني رمزي: محمد سعد صانع شخصيات تقيل ومُقَصر في اختيار أدواره
وزير الأوقاف: لا نحدد وقت صلاة التراويح.. الأمر متروك للمصلين وأئمة المساجد
أسما إبراهيم تستعرض جمالها وأناقتها بالأبيض والأسود.. شاهد
الخميس.. خالد الصاوي ضيف أسما إبراهيم في برنامج حبر سري
أنا قدوة.. رانيا يوسف: طول عمري بلبس مايوه وأحب ضل الحيطة عن الرجل
رانيا يوسف عن صورتها المثيرة مع أحمد الفيشاوي: كنا بنلعب ومش ناوية أتجوز
”بنت حلال” رانيا يوسف تكشف تفاصيل صلحها مع غادة عبد الرازق
وزير الأوقاف: الاعتداء على المال العام وأملاك الدولة جريمة شرعية ووطنية
وزير الأوقاف: آثار التغيرات المناخية تهديد خطير لحياة كثير من الخلق
وزير الأوقاف: التحري في نقل الأخبار من مصادرها الموثقة واجب الوقت
ولفتت رانيا يوسف: "جوازي من راجل أصغر مني بـ4 سنين غلطة وندمانة عليها بس أنا ممكن أتجوز واحد اصغر مني بـ20 سنة لو كان كويس، واتجوزت أبو بناتي وهو أكبر مني بـ30 سنة وكنت بحبه جدًّا وخلعته وفضلت أحبه بعد الخلع بشوية وما عرفتش أخرج من محمد مختار وكنت بحبه جدًّا لإنه رجل محترم جدًّا، وما اتجوزتهوش علشان الفلوس لإنه ما كانش حيلته فلوس، أنا اتجوزته وهو منتج وفترة زواجنا 12 سنة وبعدها راح أنتج لطليقته، وأنا لا فلوس تفرق معايا ولا شهرة".
وفي نفس اللقاء، قالت الفنانة رانيا يوسف: "جالي 4 عروض زواج بس رفضت لأن أنا بالنسبة ليَّ الزواج سهل وعندي استعداد أتجوز في نص ساعة ما عنديش مشكلة بس المشكلة في مين اللي هتجوزه".
مشكلة رانيا يوسف مع الزواج
وتابعت: "لسه ما لقيتش الزوج اللي يملا دماغي وأبقى متأكدة أنه معندوش أي مصالح تانية غير إنه حقيقي بيحب رانيا".
زيجات رانيا يوسف الفاشلة
ولفتت: "اتجوزت 3 مرات بـ3 غلطات ومش عايزين نكرر الغلطة الرابعة، عايزة أبقى متأكدة إن اللي هتجوزه حقيقي يحبني ويحترمني ويحترم حياتي وظروفي".
موقف رانيا يوسف من الزواج
وأشارت: "لحد دلوقتِ معنديش قابلية للزواج خالص، وما حدش يقدر يعقدني أنا أعقد بلد، والفكرة مش في الجواز الفكرة في الشخص اللي هتجوزه، ويا هنسعد بعض يا هنقرف بعض وأنا مش عايزة حد يقرفني".
أحلام رانيا يوسف
وتابعت: "أنا حققت كل أحلامي بنفسي وعايزة حد متفاهم يفهم حياتي ويحترم شغلي وخصوصياتي ويحترم أصحابي ووقتي".
طليق رانيا يوسف المنتج محمد مختار
وأشارت رانيا يوسف: "مفيش واحد اتجوزته كان له فضل عليَّ بالعكس خالص، وأبو بناتي محمد مختار ما كانش له فضل عليَّ غير إنه أبو بناتي طبعًا ودا أكبر إنجاز ولكنه ما ساعدنيش بمكالمة تليفون، وأنا الممثلة الوحيدة اللي اتجوزت منتج أنتج لطليقته بعد ما اتجوزوا ما أنتجليش أنا".