زوج علا غانم: مهما عملت فيا لسة بحبها.. وعشت مع بناتها أكتر من أولادي

أعرب رجل الأعمال عبد العزيز حسن، عن حبه الشديد لزوجته الفنانة علا غانم، وذلك على الرغم من الخلافات التي نشبت بينهما مؤخرًا واعتداءها عليه بالضرب على حد قوله، بجانب الحديث عن علاقته ببناتها.

وقال زوج علا غانم أنا طول عمري بحب علا من يوم ما شُفتها، وبقول أمام الناس كلها إني لسة بحبها ومش عايزة أضرها في أي حاجة وبعتلها رسائل كتير جدًا إن حرام وعيب وتعالي نتكلم ولكن اللي حوالين علا مأثرين عليها، وبعد كل ده أنا لسة بحبها، ومهما عملت فيا لسة بحبها.

زوج علا غانم: عيشت مع بناتها أكتر من أولادي

كما تحدث رجل الأعمال عبد العزيز حسن، عن علاقته بـ كاميليا وفريدة بنات زوجته الفنانة علا غانم، قائلًا: أنا بحب أولادها جدًا وكانوا كل حاجة ليا وأنا عشت معاهم أكتر ما عشت مع ولادي الحقيقيين، إحنا اتجوزنا في 2005 وعشنا هنا لغاية الثورة، وبعدين اضطرينا نسافر أمريكا لـ كاميليا وفريدة بنات علا غانم، إقامة مستديمة ودخلتهم مدارس وبدأت الحياة واشترينا بيت وبقينا نتردد بين مصر وأمريكا.

وتابع: مرت السنين وأخدوا الجنسية الأمريكية وعملنا بيزنس والدنيا كانت ماشية عادي ولكن بدأت المشاكل العادية أنا كنت بعتبرهم أولادي، وأنا مخلفتش من علا، وكنت أنا وعلا مستقرين في مصر أكتر من أمريكا والولاد كانوا في أمريكا، لغاية 2017 علا قالت أنا مش عايزة اشتغل تاني لأنها كانت مضايقة من المنتجين والمخرجين وكان عندها مشاكل جامدة مع الكل، ورجعت تاني أمريكا وفتحنا بيزنس والحياة كانت ماشية، ومفكرناش في الخلفة لأن علا كان عندها مشاكل.