مدرب سموحة : ”مش عاوز زياد طارق.. وفاض بيا الكيل”

أكد طارق العشري المدير الفني للفريق الأول لكرة القدم بنادي سموحة أن انتقال خالد عبد الفتاح إلى النادي الأهلي تم بدون موافقته.

وتابع العشري في تصريحات لإبراهيم فايق في برنامج جمهور التالتة:«خالد عبد الفتاح انتقل للأهلي بدون موافقتي ومش عاوز زياد طارق، والهلفطة اللي بتحصل في سموحة مش هسكت عليها وإنما للصبر حدود».

وأضاف العشري : «أنا أول واحد دخل الكرة المصرية التاريخ من الناحية الخططية وييجي واحد مش فاهم في سموحة يتكلم عليا، وفاض بيا الكيل وبعدين هو انا ماسك سموحة وهو بطل الدوري، ده طول عمره في نص الجدول أو بينافس على الهبوط».

كان قد انتقد فرج عامر رئيس نادي سموحة، طارق العشري المدير الفني للفريق السكندري مشددا على أن علاقته معه ستظل سيئة ولن تتحسن.

وقال فرج عامر في تصريحات تلفزيونية: «علاقتي مع طارق العشري مش هتتحسن، طارق العشري طلب لاعيبة وبعد كدة قالي مش عايزهم وده سبب أزمتي معاه».

وأضاف: «طارق العشري بيعاند مع زياد طارق ومش عايز يلاعبه، وعلى الرغم من المستوى الفني المميز للاعب».

واختتم حديثه قائلاً: «رغم الفوز اليوم على سيراميكا أداء سموحة لم يكن الأفضل».