سهير جودة”تشيد بمحمد صلاح وتتعاطف مع بيكيه بعد اعتزاله”

أشادت الإعلامية سهير جودة، بمستوى اللاعب المصري محمد صلاح، في آخر مبارياته مع فريق ليفربول الإنجليزي، ونجح في تسجيل هدفين، قائلة: "صلاح بيعمل حالة من السعادة للمصريين، وكلنا بنحس ببطولاته وإنجازاته وبنفرح بيها".

وقالت سهير في برنامجها الذي يحمل اسم "الستات"، والمذاع عبر فضائية "النهار": "بيكيه احنا اتكلمنا قبل كده وان الستات مبسوطة عشان هو اعتزل كرة القدم، بسبب رفضة لارتداء تيشيرت برشلونة وهو مدون عليه أول حرف من اسم شاكيرا بعد انفصالهما مؤخرا بسبب خيانته لها، وكان في رد فعل كبير من الرجالة متعاطف مع بيكيه لأن هو طلع ذكي، لما ظهر في الملعب وهو بيعيط وبيعلن اعتزاله، وأنا شخصيا لما شوفت الفيديو بتاعه اتأثرت".

 

وأضافت سهير: "لحظة قاسية جدا أن أنت بتقرر تسيب أكتر شئ أنت بتحبه ، وكرة القدم بالنسبة لناس كتير رقم واحد، كنجوم في الملعب أو حتى جمهور".

 

وتابعت: "في نوعية مشجعين أنا بتعاطف معاهم سواء أهلاوية أو زملكاوية أو بيشجعوا أندية آخرى ، انا بحس أنهم صعبانين عليا، وأغلب المشجعين بيتفرجوا على الكورة لارتباطهم بفترة الطفولة لأنها كانت حلم بالنسبالهم أنهم يطلعوا لاعيبة كورة".