غادة ابراهيم: “قطعت شراييني بعد وفاة بابا.. ده كفر بس هانت عليا نفسي”

تحدثت الفنانة غادة إبراهيم، عن معاناتها بعد وفاة والدها وقالت: “مقدرتش بعد وفاة بابا وكنت عايزة أمشي وأهرب من البيت ووافقت بأول جوازة، وكنت عايشة مع أخويا وأختي وعندي أخوات من بابا؛ لأنه كان متجوز 3”.

وتابعت غادة خلال استضافتها ببرنامج “قعدة ستات” الذي تقدمه الإعلامية مروة صبري، على شاشة “القاهرة اليوم”: "قطعت شراييني بعد وفاة والدي، وابن عمي جري بيا على المستشفى، ده كفر ومش حاجة حلوة، بس أنا كنت صغيرة مش فاهمة وهانت عليا نفسي".

وأضافت غادة: "ماما والدتها كانت تركية، وكانت مدلعاني بس مش زي بابا، أنا كنت في حضن بابا ودلع وسفر وكل طلباتي أوامر، لكن ماما مش بتبين حنيتها وحنانها داخلي".

واختتمت غادة حديثها وقالت: "أول عربية ألماني كانت جيبهالي ماما وأنا في ثانوي وكانت طلب خاص ومدلعاني بس مش زي بابا، وأنا مقدرتش لما توفى وكنت عايزة أهرب".

يذكر أن آخر أعمال غادة إبراهيم مسلسل “ابن موت” بطولة خالد النبوي، وعلا غانم، وتدور أحداث المسلسل حول مافيا الهجرة غير الشرعية، واستغلالها لحاجة الناس، وإيهامهم بالقدرة على توفير فرصة للهجرة والعمل خارج البلاد.