حسام حبيب يهاجم والده: «ليا الشرف إني تربية واحدة ست وحسبي الله ونعم الوكيل»

حالة من الجدل أثارها الفنان حسام حبيب بعد تصريحاته في برنامج الحكاية مع عمرو أديب، والتى دفعت والده للخروج عن صمته وهاجمه، بقوله له: «إنه تربية ست».

مما دفع حسام حبيب للرد على والده عبر صفحته على موقع تبادل الصور والفيديوهات "إنستجرام" وكتب قائلا: “انا ليا الشرف إني تربية ست لأنها بـ١٠٠ راجل وتربية الست دي هي اللي هتخليني ماردش عليك حسبى الله ونعم الوكيل”.

يذكر أنه أن سبق ونشر حسين حبيب والد «حسام» على صفحته الشخصية بموقع التواصل الاجتماعي فيس بوك قائلا: «قولوا الحق ولو علي أنفسكم، هو ينفع أخالف شرع ربنا بحجة إني أحمي أولادي البنات ليها الثلثين والأهل ليهم الثلث بعد عمر طويل وده يخلي الأهل راضيين ويراعوا البنات، بعد عمر طويل ودي صلة رحم وغير كده يزرع العداوة بين الأهل».

وتابع: «أنت كده مش بتحافظ على مال زوجتك أنت بتخالف شرع ربنا، والنتيجة أنهم فضحوها وقضوا على مستقبلها وزرعت العداوة بينهم وحطمت زوجتك بجهلك بشرع ربنا، ولو كنت بتسأل أبوك كان أرشدك للحق، والكل طلع كسبان يا قاطع صله الرحم وعاصي أبوك ضيعت نفسك وضيعت البنت معاك».

واستطرد قائلاً: «هو ينفع أخوها بقاله أكتر من عشرين سنة بيراعي أخته وهي مصدر رزقه أجي أقفل عليه الحنفية ويقعد أربع سنين من غير شغل وراجع تاني تقفل عليه الحنفية هو وأمه وأخته وعايزه يسيبك، ياناوي على قوتي ياناوي على موتي، الزوج يتعوض الأم والأخ ما يتعوضوش، كلمة حق لوجه الله والدين النصيحة، أنت بتقول لما رجعت ليها العربيه واحد بيشتغل معاها أخد العربية اللي بـ خمسة مليون وقالها هابقي اديكي بيها شغل، وواحد محاسب تعرفه قرييب شكالها حالة أعطت له مائة الف دولار وخلع وأنها بتكتب شيكات للناس على بياض أنت كده بتدي مبرر لأهلها ليحجروا عليها وبتطلعها أنها سفيهة وعبيطة وأنا من معرفتي بها انها واعية وناصحة بتيجي تكحلها تعميها، اسأل أبوك يقولك تقول ايه، خليك راجل انت فعلا مش تربيتي انت تربية واحدة ست طلعت من بيت مامي علي بيت مراتك يا أخي عرتنا» .