فطارك عندنا.. طريقة عمل الملوخية والسر في الشهقة

قال الشيف محمد الشريف، إن مطعمه يقوم بإحضار الملوخية ثم تقطيفها وتقطيعها وتجهيزها بداخل المطعم، ويبدأ العمل بأخذ كمية معينة من الملوخية في الحلة ثم وضع الشوربة على الملوخية ثم ضربهم بالمضرب جيدا: «بنقلب الملوخية لحد ما تفك علشان تعمل عرق، ومع الشوربة بتاعتنا بالتوابل بتاعتها زي الكسبرة والفلفل الأسود والبهارات».

وتابع: «بنبدأ نصب الملوخية بعد ما يظهر فيها عرق من كتر التقليب فيها، لكن مش لدرجة أنك تفضل تقلب لحد ما تصيص الملوخية منك، بعدين نبدأ نحط الطشة بتاعتنا وبتكون عبارة عن ثوم وكسبرة وسمنة فيرنا ونحط الطشة على وش الطاجن».