«ربنا ياخدني وأرتاح».. 4 رسائل من حمو بيكا للمتنمرين عليه (فيديو)

وجه مؤدي المهرجانات حمو بيكا رسالة إلى المتنمرين والشامتين في مرضه، وذلك خلال فيديو بث مباشر عبر صفحته على "فيسبوك".

وقال حمو بيكا: «أنا طالع اقول أني الحمد لله أحسن من الأول، ولو مسحت البوست دا علشان كمية التنمر، المرض عمره ما يكون فيه تنمر، حابب أقول للمتنمرين دي حرية شخصية ليك وربنا ميجبلكش حاجة وحشة».

ووجه حمو بيكا أسئلة للمتنمرين: "أنت بتتنمر عليا ليه علشان كرشي؟ ربنا ما يكتبها عليك، طلع ناس غلطوا فيا وقالوا ربنا ياخدك، أن لو ربنا أخدني هستريح أحسن ما أعيش وأنا مش عارف أخد حقي، أجري ورا حلمك وبلاش تتنمر على الناس".

وتمنى حمو بيكا ألا يشعر أي شخص بما يعانيه من مرض، موضحا أنه يتلقى العلاج وأصبح في صحة أفضل.

ووفي نهاية حديثه وجه حمو بيكا الشكر لكل أصدقائه ومحبيه ومن سأل عنه في أزمة مرضه، قائلا: «اللي بيحبني بدون مقابل دا معدنة كويس، واللي أتنمر عليا في شدتي حابب أقوله ربنا يسمحك ومشفش فيك حاجة وحشه».

يذكر أن حمو بيكا أصيب بوعكة صحية عقب ساعات قليلة من ظهوره على الهواء مباشرة مع الإعلامية ياسمين عز في برنامج "كلام الناس" المذاع على قناة MBC مصر.