عاجل.. الرئيس السيسي: موازنة مصر المتاحة تساوى 10% من الأموال المطلوبة لإدارة دولة

وجه الرئيس عبدالفتاح السيسي، تساؤلاً هامًا للشاب الحاضرين في منتدى شباب العالم وقال: "ممكن حد يقولى المستشفيات مبتقدمش خدمة طبية جيدة "صحيح" ، تقدر تقولى إزاى دولة بحجم مصر كل موازنتها المتاحة تساوى 10% من الأموال المطلوبة لتشغيل وإدارة الدولة المصرية.

وأضاف الرئيس السيسي، خلال لقاء مع الصحفيين على هامش منتدى شباب العالم: "إنت عاوز تريليون دولار، طيب مفيش، لو عاوز تعمل إنفاق مناسب لدولة زى مصر انت عاوز تريليون دولار، هاتوا كل دولة عدد سكانها قريب من مصر بتقول انها بتعمل إنفاق مناسب، هنقول إنها بتنفق على الأقل تريليون دولار، لما تيجي تقارني بدولة مثلا زى أى دولة اوربية غنية عندنا ثبات في النمو الديمغرافي لمدة 50 سنة يعنى ايه ؟، دولة زى ألمانيا وفرنسا عدد سكانها مزدش على مدى 30 سنة اللى فاتت، هل هو كان محتاج يعزز من النظام الصحى ولا يطوره، لأ.. يحسن فيه لأنه امتلك بنية صحية جيدة تسطتيع تقديم خدمة طبية جيدة جدا.