«خدمة عملاء فودافون تقرف».. عميلة توضح السبب

تقدمت مواطنة مصري بشكوى ضد خدمة عملاء شركة فودافون بسبب سوء التعامل والخدمة. 

وقالت سمر عميلة في فودافون: "خدمة عملاء فودافون قفلت فى وشى!!! من ٤ شهور شحنت قبل معاد تجديد الباقة بيومين عشان تتجدد تلاقائى. وقت التجديد اتبعتلى مسج قالى لم يتم التجديد! اتصلت بخدمة العملا و الرد كان فى ٥٠ جنية اتسحبت عشان أشتراك watch it.

وأضافت:" مع العلم إن مش بيجيلى أى مسج تقول أن اتسحب منى ٥٠ جنية أصلا!! قولتله ألغيها و بعتلى كود أتلغت و الشهر الفات و القبلة متسحبش حاجة. و كلمت الشهر الفات قبل مشحن عشان أأكد إن مفيش اى اشتراك لأى خدمة و قالى معنديش أى أشتراك و إن ملغى بالفعل".

وتابعت: "شحنت كالعادة من يومين عشان معاد تجديد الباقة كان أمبارح و كان رصيدى ١٠٠ جنية. الصبح لقيت مسج إن لم يتم تجديد الباقة و الرصيد ٥٠ جنية بس!!! اتكلمت قالولى أه فعلا اتسحب ٥٠ جنية أشتراك watch it!!!".

وتواصلت:" قولتلها مشتركتش أصلا و مجاليش أى حاجة بتقول كدة. و حكيت كل الفات من ٣ شهور. قالتلى باين عندى أنك اشتركتى تانى. هقدملك طلب يتم الغاء الخدمة و الفلوس ترجع فى الحساب. كلمتنى تانى بعد نص ساعة قالتلى الطلب أترفض. قولتلها أدينى مديرك قالتلى غير متاح دلوقتى و أستنى ٣ ساعات و يكلمك لكن الطلب مرفوض و الفلوس مش هترجع. طيب إيه اليثبت أنى أشتركت؟؟؟ و فين المسج البتقول أن اتسخب منى ٥٠ جنية عشان أى أشتراك؟؟!!".

وأكملت:" طول ما أنا بتكلم هى بتتكلم و مش سمعاني أصلا.. اتعصبت و قولتلها انتو أصلا حرامية راحت قفلت فى وشى السكة! تانى بقول فودافون فودافون مصر - Vodafone Egypt حرامية و خدمة عملاء تقرف".