عمر كمال: صحابي كانوا بيشيلوني في حق كوباية الشاي على القهوة

عرض برنامج «لحظات جريئة»، الذي يذاع عبر شاشة «القاهرة والناس»، تصريحات عدد من المشاهير عن أزمات مالية تعرضوا لها، إذ قال شادي محمد قائد النادي الأهلي لكرة القدم، إنه تعرض لـ3 أزمات مالية كبيرة، كان أخطرها أزمة البورصة.

وقال المطرب عمر كمال: «العشرة والخمسة جنيه كانوا مبلغ بالنسبة لي، وكنت بشتغل بـ40 جنيه في اليوم لمدة 12 ساعة، ومكنتش بكمل في الشغل، ولما كنت أقعد على القهوة، أي واحد صاحبي يشيلني بكوباية شاي، كنت أكمل بيها طول الليل».

وحول تفاصيل الأزمة، قال «محمد»، إنه أودع 100 ألف جنيه في البورصة، وزاد هذا المبلغ إلى 250 ألف جنيه بعد أسبوعين: «زودت على الـ100 ألف جنيه، 250 ألف جنيه، وبقوا 750 ألف جنيه، ومصدقتش نفسي لأني كنت باخد مكافأة 1200 جنيه في الماتش، والماتش في دوري أبطال أفريقيا بـ700 جنيه، وفكيت وديعتين كانوا معايا، قلت هساعد النادي في الصفقات».

وأضاف: «دخلت البورصة وأنا معنديش خبرة، وأنا ضد جملة محلل البورصة، كان نصح نفسه، المحلل لو عارف المكسب المفروض يبقى مليونير، وكان نفع نفسه، وفي يوم صحينا على خبر إن السوق المصري لم يتأثر بانهيار دبي في أزمة 2008، لكن وزير الاستثمار قال تاني يوم إن الأسهم انخفضت 20%، وفي غضون 6 أيام الفلوس قلت جدا».

أما مطرب المهرجانات الشعبية حسن شاكوش، قال: «كنت باخد 200 جنيه أنا وأخويا لما توفى أبي، من صاحب الشغل لمدة سنتين، وكنا بنقول أحسن من مفيش، وكان كل واحد فينا له شغله، ومنفعش اكمل في الكورة، لأني عندي عزة نفس ومينفعش أطلب حاجة من حد».