أحمد فهمي: أنا ونور حبينا نفس البنت وطلعت مصاحبة نادر

طلب الفنان أمير كرارة مقدم برنامج «سهرانين»، المذاع على شاشة قناة «on»، من الفنان أحمد شامي، عضو فرقة «واما»، بوصف زملائه من أعضاء الفرقة، حيث قال «شامي»: «أنا مسمي كل واحد على الموبايل باسمه الحقيقي، أحمد فهمي (الدجال)، وأحمد نور (شيء لا يصدقه عقل)، ونادر حمدي (الخاين)، عشان مكنش عاوز يضمني لواما بس احنا بردو أصحاب».

من جانبه وصف نادر حمدي خلال استضافته بالبرنامج باقي الأعضاء قائلا: «شامي طيب بجد، وميدو عنده صفة الندم، بيندم على أي حاجة، وأحمد فهمي تحسه نجم في نفسه».

بينما وصف أحمد نور باقي الأعضاء قائلا: «نادر من الناس اللي بحبهم جدا، بس معرفش هو زعلان ولا فرحان، مش بيدي رد فعل لأي حاجة، وأحمد الشامي ممكن تقدر تغير له رأيه في لحظة ممكن تقنعه بالحاجة وعكسها، بس أنا باخد قرارات ومش برجع فيها، وفهمي عنده مشكلة أنه بيركب المسرح في حتة معينة ومبيعرفش يرجع فيها وهو مش بيعرف يندم، بس دلوقتي مبقاش كده».

وقال الفنان أحمد فهمى،: «أنا ومحمد نور دائما بنطبل لبعض وزمان جدا كنا 15 سنة، ومرة كنت مصاحب واحدة وميدو بيحب بنت واكتشفنا أن احنا بنحب نفس البنت وفى الآخر طلعت مصاحبة نادر حمدى وعملنا ليها أغنية حبها جوه القلبين».

وتابع نادر حمدى: «من حبى للموسيقى من صغرى كنت بشب عشان أطول البيانو وبابا كان حافظ كل تراث سيد درويش ووالدتى كانت بتحب المزيكا أوى غير التمثيل»، مضيفا، «أغنية لما قابلتها كانت للمؤلف محمود محمد الله يرحمه وكانت قصة حقيقية له».