جمدوا قلبكم متخافوش.. السيسي يوجه رسالة مهمة للشركات المصرية

وجه الرئيس عبدالفتاح السيسي، رسائل للشركات الوطنية المصرية والخاصة بالمقاولات، «إحنا شغالين في أكتر من مشروع، وأنتوا معانا، شغالين في محطات مياه، وفي تطوير 1500 قرية، عاوز أقول لكل شركة، جمد قلبك متخافش، لو عاوز تجيب معدات جديدة هات، حجم العمل المطلوب ضخم».

وأضاف «السيسي»، خلال افتتاح مشروع الفيروز للاستزراع السمكي، أن الدولة المصرية تعيد صياغة حقيقية للمياه، ولا نجور على مياه أحد، «نُحسن المياه، بنعمل تحسين في 20 ألف كيلو متر في شبكة الري، كانت عبارة عن ترع مشقوقة، الـ20 ألف كيلو ده يتم تبطينهم، هيوفروا مياه كانت تفقد سواء بالتسرب أو بسبب الحشائش نحو 2-3 مليار متر».

وتابع: «لما نعمل كده وناخد مليار منهم ممكن، أه ممكن، يبقى خدناهم من تحسين وإدارة المواد اللي عندي بشكل كويس، بنغير لحياة الناس وبناء مجتمعات جديدة في مناطق مكنش العمران يقدر يخشها بشكل أو بآخر».