قصة خناقة محمد علي رزق وحسني شتا بسبب رانيا يوسف

سخر الفنان الشاب حسنى شتا من تصريحات الفنانة رانيا يوسف حول تشجيعها لفريق النادي الأهلي، وذلك خلال لقائها في برنامج (ليلة الخميس) مع الإعلامية ياسمين عز عبر فضائية mbc مصر برفقة الكابتن مجدي عبدالغني.

وكتب شتا عبر حسابه بموقع التدوينات القصيرة تويتر: ”رانيا يوسف بتقول للمذيعة إنها أهلاوية جدًا طبعًا.. بس ملهاش في الكورة أصلاً، فالمذيعة قالتلها أنا كمان أهلاوية، بس مبفهمش في الكورة، الحمد لله إن الواحد زملكاوي وبيفهم في الكورة”.

لتشتعل الأزمة بينه وبين الفنان محمد على رزق مشجع نادي الأهلي الذي دافع عن النجمة رانيا يوسف معلقًا على تلك التدوينة عبر حسابه الرسمي بموقع ”فيس بوك”: ”اجبلك دلوقتي 100 زملكاوي مابيفهمش في الكورة بلاش جو لا تقربوا الصلاة ده.. ما تكملوا الآية خلاص كل الزمالكوية مولودين في بوقهم كورة كفر بلاش زياط يا بيه”، ليعود محمد على رزق حذف المنشور بدقائق قليلة.

وفي نفس البرنامج قالت الفنانة رانيا يوسف، بحب أروح السينما أو أشاهد فيلم في البيت، وأفضل الأفلام الاجتماعية وأخر فيلم شاهدته كان ”200 متر” في مهرجان الجونة.

وتابعت رانيا يوسف خلال لقائها في برنامج ”ليلة الخميس المذاع على قناة mbc مصر، والذي تقدمه الإعلامية ياسمين عز: الزواج فكرة مش ناجحة إلا لو اتنين حبوا بعض بعيوبهم قبل مميزاتهم ويحبوا يعجزوا مع بعض، اللي بيحصل دلوقتي بيحصل إعجاب فلما البنت تخلف وجسمها يبوظ يكرهها وأنصح بعدم الزواج قبل سن الـ30 علشان الشاب يكون أنضج ويكون عمل فلوس واسمه والاختيار هيفرق كتير ساعتها”.

وواصلت: ”أنا جربت مرتين الزواج بعد الـ30 ومكنتش عايزة أتجوز لولا أني في المجتمع العربي يجبرني على الزواج علشان السمعة، ولو عندي الأوبشن أني متجوزش تاني مش هتجوز أبدًا، ولو حبيت حد هكمل قصة الحب معه دون الزواج، ومش هبوظ أي قصة حب بالزواج بسبب المسئوليات وبيضيع أي حب ورومانسية وتقطيع”.