رجل يجمع بين 4 زوجات في منزل واحد: بحبهم كلهم.. ولازم الست تختار الوقت المناسب

قال عمرو عزب، رجل أعمال، ومتزوج من 4 زوجات، إن زواجه من 4 سيدات ساعده في أن تُظهر كل منهم أحسن ما فيها أمامه: "كل واحدة بتطلع أحسن ما فيها، ولما بيعملوا كدة أكيد ههتم بنفسي".

وأضاف "عزب" خلال استضافته ببرنامج "الستات مايعرفوش يكدبوا"، الذي تقدمه كل من سهير جودة ومنى عبدالغني ومفيدة شيحة، والمذاع على فضائية "CBC"، أنه يعيش مع زوجاته الأربع في منزل واحد، ودائما ما تخرج كل منهم أفضل ما فيها ويتبارين في إسعاده.

كما أنه يحب زوجاته الأربع بلا استثناء، مستشهدا على ذلك بأنه، في حال كان الشخص لديه 4 أبناء فدائما ما يحبهم جميعا ولا يفرق بينهم في المعاملة: "حبيت فيهم كل حاجة، ومش لازم يكون اللي في واحدة مش في الباقي".

وأوضح أن ما يضايق الرجل من أي سيدة هو عدم اختيار التوقيت المناسب للحديث في أي موضوع: "لازم تختار الوقت المناسب وتقول اللي هي عايزة تقوله".

وأكد رجل الأعمال أنه لم يظلم الـ4 سيدات بزواجه منهن، ولكنه يسعى دائما إلى الاهتمام بنفسه حتى يحببنه أيضا :"هم مصدقين إني بحبهم هم الأربعة، واللي مبحبهاش هستغنى عنها، وطلقت مرة واحدة وندمت.. مش هعمل كدة تاني".