نجم ستار أكاديمي يشكو ضيق الحال بسبب كورونا: 10 شهور من غير شغل

ظهر المطرب محمد شاهين، نجم ستار أكاديمي، عبر صفحته على فيس بوك، وقال: قبل ما أقول أي حاجة، أنا بحب أتكلم معاكم علشان بحس بالراحة، بفضفض معاكم والله العظيم مش أكتر، أنا يا جماعة بقالي أكتر من 10 شهور مفيش شغل بجد، ودي حاجة بقولها مش علشان حد يسألني إزاي وتستغربوا.

وأضاف: من قبل فيروس كورونا والدنيا مش موفقة معايا، وبشكر ربنا في كل وقت، يارب البلد تفتح ونرجع نشوف أي شغل تاني ناكل منه عيش، والشغل مش عيب والله، بصوا ادعولي وادعوا لنفسكم بصلاح الحال للجميع.

وتفاعل عدد من نجوم الفن مع محمد شاهين، فقالت نداء شرارة الفنانة الأردنية: الله يجبر خاطرك جبرا يتعجب له أهل الأرض والسماء، قول يارب وإن شاء الله فترة وبتخلص الله يرزقك من حيث لا تحتسب.

أما ياسمين نيازي، قالت: هتتحل يا شاهين والله وربنا عمره ما بينسى حد، هو اختبار وابتلاء كبير، ومسيره ينتهي، ربنا يفتحها عليك من عنده، ويديك أكتر ما بتحلم يابو صوت حلو.