أول تعليق من هنا الزاهد على وفاة طلعت زكريا (صورة)

أعربت الفنانة هنا الزاهد، عن حزنها الشديد لوفاة الفنان طلعت زكريا، الذي كان بمثابة أب لها، ونعته بكلمات مؤثرة تدل على حبها الشديد له.

ونشرت "هنا" صورة تجمعها بالفنان الراحل، عبر حسابها على موقع تداول الصور والفيديوهات "إنستجرام"، معلقة عليه قائلة: "آخر صورة اتصورتها في كتب كتابي مع أبويا وحبيبي وسندي اللي كبرت معاه سنين.. أنا فاتحة الصورة دي من بدري وعايزة أقولك إن ربنا هيدخلك الجنة يا أطيب خلق الله، أنت ربيت ٣ بنات وكأنك أبوهم وأكتر. أنا عايزة أقولك أني معرفتش كلمة بابا غير وأنا معاك. عمري ما قولت أصلًا تقريبا بابا غير ليك".

وتابعت:" كنت بجري عليك أول معمل حاجة غلط عشان تدافع عني قدام ماما. فاكرة أول بيض اومليت وقولتلي اعملي مطعم "بالهنا والشفا" واديتني ١٠٠ جنيه عشان تشجعني اطبخ. كنت دايما تقولي انت هتبقى حاجة كبيرة وكنت بتشجعني. كنت فخور بيا لما اتخرجت وعيطت اليوم ده. أنا عمري محسيت أنك مش أبويا اللي مخلفني".

واختتمت "الزاهد" حديثها، قائلة: "أنا مش مصدقة أني مش هشوفك تاني وأقولك زازي يا زازي.. نفسي ترجع وأقولك قد إيه إحنا بنحبك كلنا وأقولك أنك أعظم ممثل. أنا بحبك اوي ومكنتش أعرف أني بحبك اوي كده هتوحشني يا أحن إنسان عرفته في حياتي.. أرجو الدعاء".