مرتضى منصور لجهاز الزمالك الجديد: لك مني الحماية من الحكام.. ومش همشي من النادي

تحدث المستشار مرتضى منصور، رئيس نادي الزمالك، عن كواليس التعاقد مع جهاز فني جديد، للفريق بقيادة أسامة نبيه، بدلا من البرتغالي جيسفالدو فيريرا.

قال مرتضى منصور خلال تصريحات تلفزيونية: الجهاز الفني الجديد كله زملكاوي لو عصرتوه هيطلع زمالك، وانا لم اتدخل في عمل فيريرا المدرب السابق، ولن اتدخل في عمل أسامة نبيه.

 

أضاف رئيس الزمالك: بقول اللي عاوزين يخربوا، انا اللي عملت النادي ما كان خرابا، وانسى قصة رئيس النادي لأن مفيش حد هيقدر يمشينا غير ربنا والجمعية العمومية، احنا بنعمل فرع تأني جديد وبنعمل استاد للزمالك ومش راضب اعمله بأسمي، وعملنا عقد رعاية بملايين وبقول تاني انسى اننا نمشي.

 

جهاز أسامة نبيه أمام مسئولية تاريخية

 

أوضح: جهاز أسامة نبيه أمام مسئولية تاريخية ولكنها مش صعبة، احنا خسرنا 19 نقطة في الدور الأول في مباريات لا نخسرها بسبب العند، والدور التاني بقى هنكسب وهنعوض ودي عاوزه لاعيبه رجالة وجماهير وفية.

 

أكمل: احنا ورا الجهاز الفني الجديد ومسندينه.. وعاوزين كمان مساندة الجماهير، وقبل نهاية هذا الشهر ما فيش لاعب هيكون ليه جنيه، وسنقوم بحماية الفريق من الحكام.. وليا سؤال اشمعنى ماتشات الزمالك بس هي اللي بيتعطل فيها الفار.

 

ويستعد الزمالك لمواجهه فيوتشر في الجولة السادسة عشر من مسابقه الدوري المصري الممتاز والمقرر إقامتها يوم الأحد المقبل في استاد القاهرة ويحتل الزمالك المركز الخامس برصيد 26 نقطة.