منه لله رامز جلال.. أول تعليق لـ عمرو أديب على خسارة الزمالك أمام الأهلي بـ القمة 125

علق الإعلامي عمرو أديب على فوز النادي الأهلي على الزمالك بـ القمة 125 قائلا: "المباراة دي حصل فيها 3 مستحيلات.. الأول هو إن كهربا يسجل الهدف.. والتاني هو إن حمدي فتحي يوقف الكروة على صدره بالشكل ده ويعمل اللي عمله ده.. والأخير إن شريف يرجع حريف بالشكل ده.. الجول الأخير ده جميل جدا.. أنا مشوفتش زيه في حياتي".

وخلال تقديم برنامج "الحكاية" عبر فضائية "إم بي سي مصر" تابع أديب: "يا جماعة ألف مبروك للأهلاوية.. ومنه لله رامز جلال.. كل اللي يقابلني يقولي أنت قولت إن الزمالك هتكسب.. حقكم عليا.. أنا حسبتها غلط".

وواصل أديب: "الدوري مرحش لسة.. ونقدر نعملها.. ووارد جدًا إننا ناخد الثلاثية.. بما إنهم جابوا 3 أهداف نقدر نحقق الثلاثية.. وسيبكم من الكلام اللي أنا قولته من يومين".

وحقق فريق كرة القدم بالنادي الأهلي، فوزُا ثمينًا على حساب غريمه التقليدي الزمالك، بثلاثة أهداف دون رد، في اللقاء الذي جمع الفريقين، على ستاد القاهرة الدولي، ضمن منافسات الجولة 14 من مسابقة الدوري المصري الممتاز.