إلهام عبد البديع: أنا أكبر من جوزي بـ 8 سنوات.. ورفضت بطولة فيلم بسبب مشهد في السرير

تحدثت الفنانة إلهام عبد البديع عن رأيها في أدوار الإغراء وإمكانية تقديمها هذه النوعية من الأدوار، كما كشفت عن فارق السن بينها وبين زوجها الملحن وليد سامي.

وتحدثت الفنانة إلهام عبد البديع عن علاقتها بزوجها والفارق السني الكبير بينهما، وقالت في تصريحات تلفزيونية: أنا أكبر منه بـ 8 سنين، وفي الأول خالص مكنتش أعرف فرق السن اللي بينا، وأول ما عرفت اتلخبطت جدًا، وبحاول أقول لنفسي قدري ظروفه في الوقت ده، وبحاول أديله مساحته، عايزاه يعيش كل حاجة، وبيحترمني وبحترمه جدًا، وناس كتير أوي قالت إن دي حاجة كارثية، وإحنا لما بنكبر يبقي تفكيرنا أنضج.

وأضافت إلهام عبد البديع: أهله في الأول كان عندهم علامة استفهام، وشكلي ميدلش إني أكبر منه، وشكلنا قريبين من بعض، وأهلي كلهم كانوا معترضين، وكانوا خايفين من التجربة، لأنه إحنا في الأول متفقناش، ومش بحب أكون لوحدي.

كما تطرقت عن رأيها في أدوار الإغراء، قائلة: الإغراء نوعين ببصة بحركة وحاجات بسيطة، بس أنا مبعملش الحاجات ديه، وأظن إن هيا مبقتش تتعمل في مصر زي زمان، والناس مش متقبله ده كمان، وبحاول أراعي ده، وأخد بالي من أدواري، واتعرض عليا بطولة مع مخرج كبير جدًا وأول مشهد في السرير، أنا بصيت على المشهد اعترضت على الفيلم كله، ولو كنت عملت الفيلم كان زماني رقم 1.

إلهام عبد البديع تكشف نصيحة الفنان تامر حسني لها

واختتمت حديثها بنصيحة الفنان تامر حسني لها، قائلة: تامر حسني كان بيعزني جدًا، قالي أنا بحبك كده من غير أي حاجة، ومش لازم تعملي دور معين عشان الناس تشوفك، ومكناش لينا علاقة ببعض وقبل فيلم أهواك، وبعد ما عدى سنين أقتنعت بكلامه.