رضوى الشربيني: ابنتى تمارا ستكمل مسيرتي.. وبتتخانق مع الرجالة وهتبسطكوا أكثر مني

تحدثت الإعلامية رضوى الشربيني، عن ابنتها تمارا، موضحة أنها ستكمل مسيرتها الإعلامية في قضايا المرأة.

وقالت رضوي الشربيني خلال لقائها في برنامج Insider بالعربي: بنتي تمارا هتبقى خليفتي، وهتكمل من اللي وقفت عنده، وهتبسطكوا أكثر مني وهتقول كلام أوحش مني، وبتتخانق مع الرجالة بس بردو، وكل واحد بتتشاكس معاه بتقوله أنا بنت رضوى الشربيني.

 

نصيحة الشربيني

ووجهت رضوى الشربيني نصيحة للرجال، مردفة: عايزة أقولهم افهموني صح.. أنا مش عدوتك لكن عدوة تصرفاتك الخاطئة تجاه البنات والستات.. كُن رحيمًا بالست وبالبنت اللي موجودة في بيتك، ولا تكون راجل عندك المسؤولية وتحترمها يا بلاش من أولها.

في وقت سابق، أبدت رضوى الشربيني رأيها في حملة التنمر التي تتعرض لها زميلتها الإعلامية ياسمين عز على السوشيال ميديا مؤخرًا بعد دفاعها عن الرجال.

وأوضحت رضوى الشربيني في تصريحات تليفزيونية عن الإعلامية ياسمين عز: أرفض التنمر تمامًا على ياسمين عز وأي واحدة، ومينفعش نتريق على بنت بهدف أننا نبقى تريند، وأنا مقتنعة إن الإعلامية لازم يكون كلامها حلو زي مظهرها، ويكون عقلها واعي لأن الجمال سبب من أسباب النجاح، ولكن مينفعش نعتمد عليه.

واحتفلت رضوى الشربيني في وقت سابق، بعيد ميلادها الـ 41، حيث كشف تفاصيل الحفل في تصريحات تليفزيونية، قائلة: أنا تميت 41 سنة وعادي بقول سني لأني مُؤمنة أن العمر مجرد رقم وأهم حاجة الروح، وجمالي كان أحد عوامل نجاحي في مجال الإعلام، ولكنه ليس السبب الرئيسي.