شباب كفر علي يشكون غلاء الدروس الخصوصية

اشتكى ابو بلال البحراوى أحد شباب قرية أهالى قرية كفر على شرف الدين مركز كفر شكر القليوبية على جروب جروب شباب قرية كفر على شرف الدين من غلاء الدروس الخصوصية هذا العام. موضحا في بداية البوست تنويه هام أنا ليس بينى وبين السادة مدرسين قرية كفر على شرف الدين مشكلة شخصية وكلهم ناس محترمين وفيهم مدرسين أفاضل أنا كنت تلميذ عندهم ثم اشتكى قائلا ولكن مشكلة الدروس الخصوصية هذا العام مشكلة عامة تخص الجميع وليس من العدل أوالرحمة فى هذه الظروف الصعبة اللى بتمر بيها البلد أن الدرس ابو 50ج ب70ج والدرس ابو 60ج يبقا ب90ج والدرس ابو 70ج يبقا ب100ج والدرس ابو 100ج يبقا ب150ج العملية مش حرب ولا تجميع أموال وعاوز اسأل سؤال للجميع ومحدش يزعل مني ازاي المجموعة يكون فيها 50 طالب والفصل فى المدرسة فى 30طالب وللأسف الطالب ميفهمش حاجة فى المدرسة العيب فى مين طيب السؤال التانى وبردو محدش يزعل السادة المدرسين انتو حاليا شغالين دروس من أول شهر 8 وكلنا عارفين أن المنهج الدراسي 3شهور يعنى المفروض المنهج ينتهى معاكم أخر شهر 10 والدراسة هذا العام هتبدأ 1/10 يبقا كدة هيكون عندكم شهر 11و شهر 12 فاضى ممكن أعرف هتعملوا أيه مع العيال فى الشهرين دول ومحدش يقول هنشتغل مراجعة وامتحانات مفيش حد هيفضل يراجع شهرين أظن كل اللى بيحصل دا غلط فى غلط أنا من وجهة نظري التعليم فى الوقت الحالى أصبح تجارة وليس رسالة عند بعض المدرسين وليس الجميع لأن فى مدرسين محترمين وأصحاب رسالة وعندهم ضمير بجد أنا اسف لو كلامى تقيل شوية بس أنا مش بعرف أقول غير الحق ومش متعود أنافق حد علشان كدة بيزعل مني ناس كتير.