وزيرة الصحة: مفيش لقاحات بدون موافقة مستنيرة

قالت الدكتورة هالة زايد، وزيرة الصحة والسكان، إنه لا يمكن أن يّأخذ أيًا من المواطنين في مصر اللقاح المضاد لفيروس كورونا المستجد «كوفيد19» دون أن يمضي على موافقة مستنيرة ويقر بأنه يرغب في تلقي اللقاح، «الموافقة المستنيرة دي مش اختراع عندنا، ده توصية من العالم ومن منظمة الصحة العالمية ومن الشركات المنتجة للقاحات».

وأضافت «زايد»، خلال مداخلة هاتفية في برنامج «كلمة أخيرة»، مع الإعلامية لميس الحديدي، على شاشة «ON»، أن كل الموافقات الطارئة لإجازة اللقاحات يجب أن تتطلب موافقة مستنيرة، « إحنا كحكومة مصرية مضينا على موافقة المستنيرة عشان نحصل على هذه اللقاحات، من حق المواطن قراءة الموافقة ولو مش عاجبه ميمضيش».

وتابعت: « لو المواطن مش عاوز اللقاح ميمضيش على الموافقة، ولو مضى عليها مش هيتحمل أي حاجة، ولو مش عاوز يأخذ اللقاح ويقول لما أشوف أهلي والناس اللي قريبين مني الأول حصلهم أيه بعد ما أخذوا اللقاح ومش عاوز أخد دلوقتي، ده مفيش مشكلة فيه، ياخده بعد شوية عادي».

وأشارت وزيرة الصحة والسكان، إلى أنه لا يوجد شيء يُسمى تلقي اللقاح بدون موافقة مستنيرة، «لما أنا خضعت لتجربة اللقاح في التجارب السريرية عملت موافقة مستنيرة، موافقة الطواريء للقاحات، غير اللقاحات اللي احنا بنعملها بشكل إجباري للمواطنين، فاللقاحات الأخرى لا تحتاج موافقة مستنيرة».

وتابعت: «احنا كحكومة مصرية مضينا على موافقة مستنيرة وعرضنا على وزارة العدل ومجلس الوزراء عشان ناخذ اللقاحات، أي لقاح الشركات والجهات اللي جابت اللقاحات تمضينا على الموافقة المستنيره لأن دي موافقة طواريء مش حاجة استثناء في مصر».