حظك اليوم برج الميزان الجمعة 18/5/2018 فكك من الدايت وبلاش كلام فاضي

حظك اليوم برج الميزان عاطفيا( الكراش والإكس والبوي فريند والجيرل فريند والجوز والزوجة والقرايب ):

عاطفيا حاول تستقر جوة نفسك كدة مع مشاعرك عشان تدفيك ف السقعة والضلمة اللي معششة جوة خيالك واللي انتا مصر تقريبا متركزش مع حاجة تانية غيرها وبس ف حياتك.. الصح انك تفوق وتشوف وراك ايه وتشوف مين يستاهل وقتك.. مش تتشحتف على كل حاجة وكل شخص غلط وخلاص لمجرد انه شكله من بعيد بيلمع ومغري وحلو

حظك اليوم برج الميزان عمليا( الشغل والمذاكرة والتخطيط لبكرة ):

عمليا انتا محتاج تركز ف الكتابة النهاردة حبة.. مهم تسجل كل شعور بتحس بيه على مدار اليوم ومهم تسجل كل حاجة مضايقاك برضة قبل ماتنام وخصوصا الحاجات اللي بتهاجم عقلك فجأة وبتضايقه وتخنق عليه.. اهم حاجة محدش يشوف الكتابة دي الا انتا وبس لأنها متخصش حد الا انتا وبس

حظك اليوم برج الميزان صحيا( نفسيا وجسمانيا وكل مايخص طاسة المزاج ):

صحيا حاول النهاردة تفكك خالص من مسألة انك تنشن على صنف واحد ف الاكل.. مهم تاكل من كل حاجة وبراحتك.. الدايت النهاردة اجازة عشان عيان متقلقش مش هيعرف حاجة

إعرف توافق برج الميزان مع باقي الأبراج النهاردة:

متوافق مع الابراج الحسواكية والسيميائية والسوبيائية والترابية والهوائية والمائية والبرمائية..

حظك اليوم ممكن يكون موجود وممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات حظك اليوم بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك اليوم النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك اليوم بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

تابعنا يومياً عشان تعرف حظك اليوم كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.